Ena mouwaten bel kharej??

Esnai fi siff ki hbat el tounes. mchit el markez echorta ta3 sidi bou said bech ntalla3 bita9et ta3rif we passport jdid. yekhi el 3awn 9alli:
enti mouwaten bel kharej barra emchi wiazarat eddekhleya fi tounes we baladeyet chera3 carthage!!
9otlou 3lech? Ena mouwaten 3adi nosken fi sidi bou said we dima ntalla3 awra9i houni!!!
9alli ,lai enti mouwaten bel kharej ghadi ytal3oulek awra9ek!!
9otlou la ena taleb 3elm bel kharej mouch mouwaten bel kharej!!!
9ali lai enti mou9im bel kharej!!! emchi el ghadi to ytal3oulek bita9at etta3rif wel passport fi 3achra yem houni ma yettel3oulek ken ba3d chhar wella akhther.
9otlou behi..
We mchit el wizaret eddekhileya we beledeyet chera3 carthage yekhi 3amlouli awra9i fisa3 fisa3. beledeyet chera3 carthage climatise we ness 9a3din merte7in. ennes fel beledeya yedhe7koulhom we gentil m3ahom. 9olt ezza7 mella a7na el mouwatinin bel kharej yesser 9afzin bennesba lel mouwatinin bel dekhel!! We men ba3d 9olt yekhi 3lech el mouwatinin bel dekehl ma 3andhomch nafs l'avantage kima el mouwatinin bel kharej?
Chbihom el mouwatinin bel dekhel khaybin houma? ma yest7a99ouch nafs el khadamet kima el mouwatinin bel kharej? yekhi mouch el kolna twensa?? Wella belekchi yelzem el mouwatinin bel dekhel el kolha tokhrej t3ich fel kharej bech hakkeka nwalliw el kolna 3andna nafs el 7ou9ou9 fel khademet el idareya. Wella belekchi yelzem kol el mouwatini bel kharej yerj3ou el tounes bech hakkeka twalli ennes el kol kif kif?? ti ama 9admou nafs el khademet el idareya le ness el kol wella c pas la peine. Mseken ntouma ya mouwatinin bel dekhel!!! kima ezzmegreya ysamiwkom (les bleddars) "les habitants du bled". 7amdellah ma3atech bleddar ena!!!